Kryetari i Gjilanit, Alban Hyseni, ka njoftuar se është nënshkruar kontrata për stadiumin e këtij qyteti.
Sipas Hysenit, shumë shpejt do të nisin edhe punimet, shkruan Reporteri.net.
“Shumë shpejt nisin punimet dhe nis edhe një epokë e re për sportin në Gjilan. Urime të gjithë sportdashësve dhe sportistëve, ky është stadiumi që e kemi meritu prej kohësh! Shpejt, shumë shpejt… shihemi në stadiumin e ri!?️”, ka shkruar Hyseni.
Reklamë
Para një jave, Hyseni tha se projekti do të ndryshohet.
“Edhe një lajm i mirë, projekti i stadiumit do të ndryshohet, do të mbulohet i tëri e do të bëhet më modern, tashmë është krijuar grupi punues”, njoftoi Hyseni./Reporteri.net
