Nga nesër fillon linja e transportit Prishtinë-Aeroport, kaq kushton bileta

Kryetari i Prishtinës, Shpend Ahmeti ka bërë të ditur se nga nesër do të vihet në funksion linja e rregullt e Transportit publik Prishtinë-Aeroport-Prishtinë.


Në një postim në Facebook, Ahmeti ka treguar se ku bëhet nisja e autobusit dhe nëpër cilat rrugë kalon.

Ai gjithashtu ka treguar se bileta do të kushtojë 3 euro dhe udhëtimet do të realizohen çdo orë.

Postimi i Ahmetit:

Lajm i mirë!

Prej nesër (1 maj) fillon linja e rregullt e Transportit Publik Prishtinë – Aeroport – Prishtinë.

Nisja nga Prishtina dhe Aeroporti do të jetë çdo orë duke filluar nga ora 03:00 e mëngjesit dhe çmimi i biletës do të jetë 3 euro.

Nisja është nga Stacioni i Autobusëve dhe Autobusi do të niset deri në qendër për ti mbledhur udhëtaret në rrugën Xhorxh Bush te Katedralja dhe te Pallati i Rinisë.

/Reporteri.net/.