Policia e Kosovës është duke zhvilluar një aksion në Ministrinë e Bujqësisë, saktësisht në Agjencinë për Zhvillimin e Bujqësisë në këtë ministri.
Gazeta online Reporteri.net merr vesh se është marrë në pyetje një zyrtar i kësaj ministrie.
Reporteri.net ka kontaktuar me Policinë e Kosovës, por të njëjtit nuk kanë dhënë ende detaje se për çka bëhet fjalë.
Reklamë
Agjencia për Zhvillim të Bujqësisë në muajt e fundit disa herë është bastisë nga Krimet Ekonomike për raste të ndryshme të dyshuara korruptive.
Ditëve të fundit u raportua për keqpërdorime në Ministrinë e Bujqësisë, saktësisht lidhur me dhënien një tenderi për ndërtimin e fabrikës për mbetje shtazore./Reporteri.net/
