Kryetari i Komunës së Skenderajt, Bekim Jashari, ka dhënë lajme të mira për bashkëqytetarët e tij pas nënshkrimit të një marrëveshje me ministrin e Infrastrukturës, Pal Lekj, me ç’rast ka bërë të ditur se do realizohen disa projekte.

“Me ministrin e Infrastrukturës, Pal Lekaj, kam nënshkruar marrëveshje bashkëpunimi, për realizimin e tetë projekteve kapitale në infrastrukturën tonë lokale, në vlerë prej 1 milion e 560 mijë euro”, ka shkruar Jashari në Facebook.

Ai e ka falënderuar ministrin Lekaj, për këtë mbështetje, me ç’rast thotë se e ka siguruar se këto mjete financiare, do të investohen në realizimin e projekteve në dobi të qytetarëve të Komunës së Skenderajt, duke i respektuar kriteret më të larta në përputhje me afatet kohore, trasnmeton Reporteri.net.

“Brenda pak kohësh do të nisim projektet që kanë vazhdimësi të realizimit edhe në vitet e ardhshme, e të cilat kanë për synim zhvillimin e Skenderajt”, ka shkruar Jashari. /Rerporteri.net/