Një burrë në Deçan është arrestuar të mërkurën, e më pas është liruar në procedurë të rregullt, pasi dyshohet se në vazhdimësi ka ushtruar dhunë ndaj bashkëshortes së tij.
Rastin e ka njoftuar vetë policia e Kosovës, në raportin 24 orësh, shkruan Reporteri.net.
“Është arrestuar i dyshuari mashkull K/Shqiptar i cili në vazhdimësi kishte ushtruar dhunë ndaj bashkëshortes së tij viktimës femër K/Shqiptare”, thotë policia.
Tutje, në njoftim, shkruan Reporteri.net, bëhet e ditur se “pas intervistimit viktima është dërguar në vend të sigurt”.
“Ndërsa me urdhër të prokurorit i dyshuari është liruar në procedurë të rregullt”, njofton PK-ja.
Ndryshe, kujtojmë se në Kosovë, në vitet e fundit ka pasur disa raste tragjike kur gratë janë vrarë nga burrat e tyre, që paraprakisht kishin përdorur edhe dhunë fizike. /Reporteri.net/.