×
  • Lajme
  • Lajme

    Selimi: Dikush duhet të marrë përgjegjësinë për komunikatën numër 59 kundër familjes Geci

    Reporteri
    26 Mars 2019 | 22:01

    Ish-komandanti i UÇK-së, Sylejman Selimi ka thënë se dikush duhet të japë përgjegjësi për komunikatën e lëshuar në kohë të luftës kundër familjes së Gani Gecit.

    Selimi, ka thënë se Gani Geci dhe Abedin Rexha – Sandokani kanë qenë shokë në mes vete deri në momentin kur është vrarë ky i fundit.

    “Duhet të sqarohet për opinionin vrasja e Abedin Rexhës. Mirëpo, komunikata numër 59 që ka dalë në emër të Shtabit të Përgjithshëm ka qenë shumë e rëndë, e që sot askush nuk po e merr përgjegjësinë. Ka qenë shumë e rëndë pasi kemi qenë bashkërisht edhe pas vrasjes së Abedinit. Në Drenicë është ruajtur uniteti edhe pas kësaj ngjarjeje”, tha ai.

    Ish-komandanti i UÇK-së ka thënë se nuk ka qenë e vërtet se gjoja Gani Geci i ka prirë ofensivës së forcave serbe kundër UÇK-së, siç thoshte komunikata numër 59.

    “Në momentin kur ka dalë komunikata ne kemi qenë bashkë sikur ne që po qëndrojmë tani në këtë tavolinë”, ka dejklaruar Selimi për Dukagjini.

    Selimi thotë se përkundër që ka qenë Komandant i Përgjithshëm i UÇK-së në kohën që ka dalë ajo komunikatë, ai nuk kishte informacione kush i shkruante komunikatat.

    “Kur unë kam qenë komandant kam qëndruar në qendër të Drenicës. Defekti ynë ka qenë që një pjesë e Shtabit ka qëndruar në malet e Berishës dhe komunikimi ynë ka qenë i vështirë. Takimet edhe më të vështira. Nuk e di kush i ka shkruar komunikatat në atë kohë. Ata anëtarë të SHP të UÇK-së që i kanë shkruar komunikatat duhet t’i sqarojnë kush i ka shkruar ato komunikata. Dikush po i ik përgjegjësisë, por kjo nuk duhet të ndodhë pasi është e mirë edhe për opinionin të sqarohen këto gjëra”, tha Selimi. /Reporeteri.net/.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!