×
  • Lajme
  • Lajme

    Sot 10 vjet Kosova nisi dialogun për liberalizim vizash

    Reporteri
    19 Janar 2022 | 9:02

    Janë mbushur 10 vjet që kur Kosova ka nisur negociatat me Komisionin Evropian për heqjen e vizave. Sot, ende qytetarët e Kosovës nuk mund të lëvizin lirshëm në Evropë pavarësisht se shteti i ka përmbushur kriteret për liberalizim e se ky komision ka përkrahur një gjë të tillë.

    Negociatat u nisën më 19 janar 2012. Vendi, pos kritereve të zakonshme, u përball edhe me disa tjera shtesë. Ndër më në zë ishte çështja e demarkacionit me Malin e Zi, që u përmend vazhdimisht si kusht për liberalizim vizash.

    Me periudhën 10-vjeçare që kur kanë nisur negociatat, Kosova ka kaluar periudhën më të gjatë në rajon në këtë status-quo. Përderisa as 10 vjet s’kanë mjaftuar për Kosovën, Gjeorgjia ishte shteti tjetër që për më së gjati ka ngelur në situatën e njëjtë – për katër vjet.

    Për dallim nga Kosova, Shqipërisë e Bosnjës u janë dashur nga tre vjet, ndërsa Maqedonisë, Malit të Zi e Serbisë nga dy vjet, sipas një grafike të postuar nga Instituti Epik.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!