Komandant Selimi që tani po rri me Thaçin, tregon pse ia refuzoi dekoratën

Gjenerali Sylejman Selimi ka treguar se çfarë raportesh ka me presidentin Hashim Thaçin. nAi ka thënë se raportet e tij me presidentin janë normale, të ngjashme me ato që kanë qenë gjatë luftës.


“Me të kam raporte të njëjta. Është njeriu më i votuar në Kosovë, populli dhe deputetët e kanë zgjedhur president, andaj unë kam respekt për të. Është çështje personale pse e kam refuzuar dekoratën. Kur jam akuzuar padrejtësisht, pse të marr dekorata. Sërish nuk do ta merrja. Nuk kam asgjë personale me Hashim Thaçin, e as me ndonjë individ tjetër. Kam pasur fat që kam qenë komandant”, ka thënë ai për Dukagjin.

Ai ndërkaq ka mohuar të jetë pjesë e ndonjë partie politike.

“Unë s’jam anëtar i asnjë partie. S’kam kërkuar ndihmë prej presidentit apo kujtdo tjetër për proceset gjyqësore. Ndoshta ka mundur të bëjë diçka”, ka thënë Selimi. /Reporteri.net/.