Përfundimi i luftës do të sillte një tragjedi të re në familjen Rexhepaj.
Shpresa se 4 djemtë e saj gjendeshin në Shqipëri, do të shuhej kur nga ta, vetëm njëri do të kthehej i gjallë.
20 vjet pas luftës, familja Rexhepaj ka arritur t’i gjejë vetëm eshtrat e djalit të tretë.
Derisa, kalimi i viteve ka shuar shpresën e familjes se ndonjëherë do të gjenden edhe dy djemtë e zhdukur, raporton ktv.
Të enjten, në një Akademi Përkujtimore të të Zhdukurve të Komunës së Klinës, kryeministri i Kosovës, Ramush Haradinaj, foli për përpjekjet që qeveria e tij po bën për ta zbardhur fatin e të pagjeturve.
4 prilli, shënohet si Dita e të Pagjeturve në Komunën e Klinës.
Vetëm në masakrën e Kralanit në Komunën e Gjakovës, 86 civilë shqiptarë që kishin ikur nga Klina, ishin ekzekutuar nga forcat serbe.