Një grabitje e armatosur ka ndodhur në qytetin e Gjakovës në rrugën “Muslim Mulliqi”, saktësisht në institucionin financiar “RIA”.

Polica ka treguar që i dyshuari është larguar nga vendi i ngjarjes, pas grabitjes.
Sipas policisë, i dyshuari është mashkull i moshës 30 vjeçare.

Duke e parë që ky institucion financiar gjendët afër Qendrës Komunale për Regjistrimin Civil, i dyshuari është vërejtur nga një person nga qendra dhe e ka njoftuar menjëherë policinë.

Më poshtë e keni raportin e policisë rreth kësaj grabitje:

Me datë 26.04.2019 në ora 14:55, Policia në Gjakovë ka marr informacion për një rast tentim grabitje në rrugën ,,Muslim Mulliqi” saktësisht në filialin ,,Ria” Institucion Financiar për pagesa dhe transfere parash.

Meqenëse ky filial gjendet në afërsi të qendrës komunale të regjistrimit civil, i dyshuari është vërejtur dhe një person nga kjo qendër ka njoftuar menjëherë policinë. Patrullat policore në terren i janë përgjigjur rastit dhe nga punëtorët e filialit kanë kuptuar se një person i gjinisë mashkullore i moshës përafërsisht 30 vjeçar, nën kërcënimin e armës kishte hyrë në filiale dhe kishte kërkuar para.

I dyshuari është larguar nga vendin ngjarjes pa arritur të grabis para apo gjësende tjera.

Patrullat policore janë vënë në kërkim të personit të dyshuar dhe janë duke i ndërmarr të gjitha veprimet operativo hetimore për identifikimin dhe arrestimin e personit të dyshuar