Presidenti Hashim Thaçi ka thirrur konferencë për media në Aeroportin e Prishtinës, menjëherë pas kthimit nga Samiti i Berlinit.

Ai ka thënë se ka pasur një pozicion unik në Berlin për taksën.

Derisa, Haradinaj tha se vetë Thaçi i ka bërë presion në prani të të gjithë të ftuarve në Berlin, Presidenti thotë se ka qenë që taksa të mos hiqet.

“Pozicioni i Kosovës ka qenë shumë i qartë. Dialogu mund të vazhdojë i pakushtëzuar. Taksa ka qenë e duhur dhe duhet të mbetët në fuqi”, është shprehur Thaçi.

Ai ka përmendur që taksa është ide e zëvendëskryeministrit Enver Hoxhaj dhe kryeparlamentarit Kadri Veseli.

“Ai propozim i Hoxhajt për 10 për qind dhe 100 për qind i z. Veseli ka qenë i duhur”, ka thënë Thaçi.

Ndryshe sot nga Berlini, Kryeministri Haradinaj ka thënë se më shumë i kanë bërë presion kryeministri Edi Rama dhe Presidentin Hashim Thaçi se sa liderët e tjerë.