VV-ja proteston në Berlin në kohën kur nis Samiti

Derisa në Berlin po zhvillohet samiti ku dyshja Merkel-Macron kanë filluar të presin liderët e shteteve të Ballkanit Perëndimor që sapo ka filluar në Bundeskanzleramt, Lëvizja Vetëvendosje po mbanë protestë po ashtu në Berlin, shkruan Reporteri.net


Sipas organizatorëve qëllimi i kësaj proteste është që ti tregojë botës që Thaçi dhe Vuçiqi nuk janë përfaqësuesit e duhur të cilët nuk paraqesin unitetit e qytetarëve, sidomos ata kundërshtojnë Presidentin Thaçi.

Për Vuçiqin kanë thënë se është ish-ministër i Millosheviqit i cili i mohon masakrat e ndodhura në Kosovë, ndërsa për Thaçin kanë thënë që është zgjedhur President duke i blerë deputetët.

”Njëri është ish-ministër i Sllobodan Millosheviqit, i cili e quan Millosheviqin si lider të madh se e i përgënjeshtron masakrat, kurse tjetri është president i joni kriminel, i cili është zgjedhur me snajper dhe duke blerë deputet”, ka thënë Sali Abazi, aktivist i VV-së.

Ai tutje ka thënë që këto negociata janë duke u zhvilluar kundër vullnetit të Kosovës.

Protestuesit kanë bërë thirrje për të mos bërë pazare me Serbinë, por bashkim me Shqipërinë po ashtu kanë kërkuar edhe burgimin e Thaçit.

Kërkesë e tyre ndaj Gjermanisë ishte që të mos i mbështetë këto pazare, të cilat janë në kundërshtim me vullnetin e qytetarëve. /Reporteri.net/.