Zeka tregon kush po e vjedh kryeministrin Haradinaj

Kuvendi i Kosovës po mban seancë të jashtëzakonshme lidhur me shpenzimin e buxhetit nga mjetet e paparashikuara.

Përderisa në Kuvend po diskutohet lidhur me shpenzimet e buxhetit, Deputeti i Nismës Socialdemokrate, Milaim Zeka u shpreh se kryeministrin Haradinaj po e vjedhin disa siç i quajti ai, “hajna të vegjël”.

Deputeti Zeka, tha se “Po e vjedhin do hajna me lapsa, me flamuj dhe nëse kryeministri nuk i eliminon këta hajdutë të vegjël, paramendo çfarë bëjnë ata hajnat e mëdhenj”.

Ndërkaq ai poashtu përmendi edhe disa keqpërdorime tjera, për të cilat përmendi edhe emra.

“Mjetet e 1.8 milionë euro janë vjedhur nga Instituti Riinvest dhe kryeministri në atë kohë, Agim Çeku. Këtë e din më së miri Lumir Abdixhiku. Unë e konsideroj nga ministrat më të ndershëm Bedri Hamza dhe Avdullah Hoti”, tha deputeti Milaim Zeka.