Nga Lidhja Demokratike e Kosovës ka ardhur reagimi i parë lidhur me rezultatet e zgjedhjeve të sotme, ku deri tash janë numëruar mbi 80% e votave.

Nënkryetarja e LDK’së, Doarsa Kica-Xhelili ka shkruar lidhur me rënien e VV’së në këto zgjedhje, duke e lidhur me shtesat që ndau Qeveria në detyrë dhe rezultatin e sotëm.

“I dha 200 milionë Euro, i humbi 200 mijë vota! Kosovë, Republika ime ♥️”, ka shkruar Kica-Xhelili.

Deri tani, KQZ ka procesuar rezultatet nga numërimi i mbi 80% e votave.

VV renditet e para me 43.72%, PDK me 21.74%, LDK 18.06% dhe AAK 7.39%./Reporteri.net