Alaudin Hamiti tregon pse vendosi ta prezantojë me Jonida Vokshin “BB VIP Kosova”

“Big Brother VIP Kosova” do të fillojë së shpejti. Prezantuesit e tij do të jenë Alaudin Hamiti dhe Jonida Vokshi, ndërsa opinionist Olti Curri.

Alaudini ka treguar se i është bërë oferta për ta prezantuar edhe si i vetëm “Big Brother VIP Kosova”, por bashkë me pronarët e televizionit vendosën që të zgjidhni edhe Jonidën. Sipas tij, duhej një figurë nga Shqipëria, pasi tërheq audiencën.

“Në fakt e kemi pasur këtë opsion që të jem vetëm, por rrugës e kemi menduar bashkë me pronarët që të kemi edhe dikë nga Shqipëria. Pasi Klan Kosova është futur edhe në Shqipëri dhe për të tërhequr audiencën. Jonida është një prezantuese shumë e mirë sepse kemi udhëhequr edhe Çmimet Oscar me të”, u shpreh ndër të tjera Alaudini në “ABC e Mëngjesit”