Me një ekip të tërë amerikanësh, Amerika për herë të parë do të realizojë një film për Kosovën.
Filmi i titulluar “Hope Of Escape” apo në shqip “Shpresa për ikje” pritet të ketë në përbërje yjet e skenës Scott Adkins dhe The Miz, shkruan Reporteri.net.
Producent dhe skenarist i këtij filmi është shqiptari nga Kosova Tony Balaj, kurse regjia e filmit është realizuar nga Jon Russell Cring. Drejtor fotografie Tracy Nichole Cring, “Pre-Prodaction” dhe “Administrative Work Lang Ross”.
Ky film i cili pritet të fillojë me xhirime më 1 tetor të këtij viti përfshinë historinë e Lindës, një vajze kosovare e cila jeton në Amerikë, ku dashurohet me një djalë amerikan, por traumat e përjetuara nga luta në Kosovë vazhdojnë ta përndjekin edhe atje.
Përkatësisht, historia e saj pasqyron torturat e mëdha që gratë shqiptare përjetuan gjatë luftës në Kosovë. Ajo ishte viktimë e dhunës seksuale por që arrin të largohet nga agresori i saj, një ish-komandant serb.
Kjo histori do ta përndjekë Lindën, edhe pas 20 viteve nga përfundimi i luftës.
Ndryshe, ky është filmi i parë që realizohet nga amerikanët për luftën në Kosovë. /Reporteri.net
