Emocione të forta janë përjetuar mbrëmjen e së shtunës në Stuttgart, ku këngëtari i njohur shqiptar, Yll Limani, në koncertin e tij interpretoi këngën e njohur “Kthem”, të cilën ia kushtoi krerëve të UÇK-së, shkruan Reporteri.net.
Kënga u shoqërua nga një atmosferë tejet emocionale, ndërsa i gjithë publiku iu bashkua Yll Limanit duke kënduar së bashku me të.
Momenti mori edhe më shumë peshë nga paraqitja simbolike e artistit, i cili u ngjit në skenë i veshur me një këmishë të zezë, në mëngën e së cilës mbante emblemën e Ushtrisë Çlirimtare të Kosovës (UÇK).
View this post on Instagram
Para interpretimit, Limani iu drejtua të pranishmëve me një mesazh të ndjerë:
“Sot më shumë se kurrë, duhet të jemi bashkë, sepse zemra e Kosovës është në Hagë. Ata duhet me u kthy në vendin e tyre”, tha ai nga skena.
Interpretimi i “Kthem” u shndërrua në një nga momentet më emocionuese të mbrëmjes, me qindra fansa që kënduan në kor me artistin. /Reporteri.net/.
