“Dardanët” zhvillojnë stërvitjen e fundit në Kosovë: Gati për sfidën me Austrinë

Kombëtarja e Kosovës ka zhvilluar stërvitjen e fundit në kuadër të përgatitjeve për ndeshjen e radhës ndaj Austrisë në Vjenë.

Në seancën e fundit para përballjes, Albian Hajdari dhe Edon Zhegrova janë stërvitur të diferencuar nga pjesa tjetër e ekipit.

Të dy futbollistët kanë zhvilluar vrapime të lehta, për shkak të shqetësimeve që kanë marrë nga ndeshja e kaluar.

Pjesa tjetër e futbollistëve ka zhvilluar stërvitjen me intensitet të plotë dhe përkushtim maksimal, ndërsa fokusi kryesor ka qenë te përgatitjet për sfidën ndaj Austrisë.

Kosova vjen në këtë përballje pas fitores 1:0 ndaj Irlandës, ndërsa Austria e ka nisur këtë fazë me fitore ndaj Izraelit.