Një nga sulmuesit shqiptar më produktiv në këtë sezon, është futbollisti i Kosovës, Vedat Muriqi.

Me ekipin e Rizesporit në Turqi, ky lojtar është duke e gjetur shumë lehtë rrugën e rrjetës, 12 herë këtë edicion.

Për këtë fakt, shumë ekipe të njohura kanë shprehur interesin e tyre.

Madje në mediat sportive në kohët e fundit, jo vetëm ato shqiptare, është përfolur se Fenerbaçe është shumë pranë marrjes së Muriq.

Në lidhje me këtë çështje ka reaguar vetë klubi turk, nëpërmjet drejtorit sportiv, Yilmaz Bal:

“Është normale që për lojtarët tanë të ketë skautë. Por sa i përket Muriq, e kemi lexuar vetëm nga mediat. Këtu nuk ka asgjë zyrtare sa i përket një ofertë të mundshme nga ana e Fenerbaçes”, u shpreh Yilmaz Bal, duke shuar çdo dyshim.