Ditë më parë Presidenti i Real Madridit, Florentino Perez kishte thënë se dëshiron edhe Neymar edhe Mbappe ti ketë në skuadër.
Thomas Tuchel, trajneri i PSG ka reaguar për deklaratat e Florentino Perez duke thënë se nuk i pengon fare që Perez flet hapur për yjet e skuadrës së tij, shkruan Reporteri.net
“Është normale sepse të gjithë e duan Neymarin, Mbappen, Verrattin apo Marquinhos në skuadrën e tyre. Nuk më pengon mua aspak. Ata janë lojtarë të nivelit më të lartë, por ata janë lojtarët tanë dhe kjo është gjëja më e rëndësishme”, ka thënë Tuchel.
Neymar tash e një kohë lidhet me një kalim të mundshëm në Real Madrid dhe me rikthimin e Zinedine Zidane zërat vetëm sa janë rritur pasi pritet një ndryshim i madh në rradhët e ekipit nga kryeqyteti i Spanjës./Reporteri.net/