Kosovari i transferuar në Hanover, mbetët jashtë listës së “Kuqezinjëve”

Valdrin Mustafa, kosovari që gjatë afatit dimëror është transferuar te skuadra e famshme në Gjermani, Hannover, ka mbetur jashtë listës së Kombëtares së Shqipërisë.

Mustafa që një kohë të gjatë është pjesë e grupmoshave U21 të “Kuqezinjëve”, por për ndeshjet e radhës, ai nuk është ftuar.

Në një intervistë të shkurtë për Reporterin, Mustafa shprehet i zhgënjyer me mos ftesën, por thotë se do të punojë shumë për t’u rikthyer në ekip, shkruan Reporteri.net

“Jam i zhgënjyer, por kjo mua nuk më ndalë. Unë do të punojë shumë për t’u rikthyer te ekipi i Kombëtares”, ka thënë 21-vjeçari.

Ish-lojtari i Kaiserslautern, poashtu thotë se nuk e ka ndërmend të ndrrojë Kombëtare. Ai mbetët ende i dashuruar pas “Kuqezinjëve”.

Kujtojmë që Kombëtarja e “Shpresave”, e menaxhuar nga Alban Bushi, gjatë këtij muaji do t’i zhvillojë dy ndeshje. Më 26 mars ndaj Andorrasë dhe më 23 mars ndaj Turqisë (U21)./Reporteri.net/