Ky është rekordi i jashtëzakonshëm i Guardiolës si trajner

Pep Guardiola ishte kritikuar pas eliminimit të së mërkurës nga Liga e Kampionëve ndaj Tottenham Hotspur.


Ai sot vendosi të riun Phil Foden në formacion nga minuta e parë dhe për shumkë, ky ishte një veprim i rrezikshëm për ekipin e tij marrë parasysh se ata janë duke luftuar për titullin e kampionit. Por, rreziku iu shpagua pasi që ishte pikërisht Phil Foden ai i cili shënoi golin e fitores ndaj Tottenham, shkruan Reporteri.net

Por, të flasësh për statistikat e Pep Guardiolas si menagjer, vërtetë janë impresive që prej se ai filloi ‘zanatin’ në Barcelona.

Edhe pse është i ri në moshë, ai ka fituar aq shumë sa ka bërë që të krahasohet me trajnerët më të mirë të të gjitha kohërave, përfshirë këtu Sir Alex, Jose Mourinho, Ancelotti, Sir Bobby Robson, Arrigo Sachi e shumë trajner të tjerë.

Guardiola ka fituar deri më tani 25 trofe në vetëm 10 vite si trajner i ekipeve senjore.

Këto janë statistikat e tij si trajner:

576 ndeshje
428 fitore
83 barazime
65 humbje
1367 pikë
1486 gola të shënuara
461 gola të pranuara

1 trofe për çdo 23 ndeshje
2.37 pikë për ndeshje
2.57 gola të shënuara për ndeshje

0.8 gola të pranuara për ndeshje

Kujtojmë që Guardiola veçse ka fituar titullin e Ligës së Kupës në Angli këtë vit dhe është në luftë edhe për Premierligën dhe FA Cup./Reporteri.net/