Lamine Yamal vazhdon të shkruajë histori. Ylli i Barcelonës është shpallur për herë të tretë radhazi fitues i çmimit për talentin më të mirë të vitit, i njohur më parë si Trofeu Kopa.
Në moshë ende shumë të re, reprezentuesi spanjoll po vazhdon të dominojë në futbollin botëror, duke u vlerësuar për paraqitjet e tij me Barcelonën dhe Kombëtaren e Spanjës.
Megjithatë, pasi e pranoi çmimin, ai tha se Pau Cubarsi e meritoi atë.
Gjatë periudhës së fundit, Yamal ka regjistruar 25 gola dhe 20 asistime, ndërsa në listën e sukseseve të tij përfshihen edhe trofetë e La Ligës, Superkupës së Spanjës dhe Kupës së Botës.
Ajo që e bën edhe më të veçantë këtë arritje është fakti se Yamal do të ketë mundësi të garojë për këtë çmim edhe vitin e ardhshëm.
Çmimi, i cili më parë mbante emrin Trofeu Kopa, është fituar nga emra të njohur të futbollit botëror. Jude Bellingham e fitoi në vitin 2023, Gavi në vitin 2022, Pedri në vitin 2021, Matthijs de Ligt në vitin 2019 dhe Kylian Mbappé në vitin 2018.
Me tri fitore radhazi, Yamal vazhdon të ndërtojë një histori të veçantë në futbollin botëror, duke dëshmuar se është një prej talenteve më të spikatura të gjeneratës së tij.
