Liverpooli ka arritur ta përmbysë Barcelonën me rezultat të përgjithshëm 4 – 3 falë një paraqitje spektakolare.

Të kuqtë e filluan takimin për mrekulli me anë të Divock Origit i cili shënoi në minutën e 7-të.

Me rezultat 1-0 u mbyll pjesa e parë, deri sa në pjesën e dytë Klopp u detyrua ta inkuadroj Wijnaldum në vend të Robertson i cili u lëndua.

Ishte pikërisht Wijnaldum i cili me një dygolësh të shpejt barazoi gjithçka. Ai shënoi në minutën e 54-të dhe 56-të.

Për përmbysjen finale u përkujdes përsëri belgu, Divock Origi i cili mori një asistim fantastik nga Arnold i cili shfrytëzoi hutinë në mbrojtje kur po ekzekutonte një rivënie nga këndi.

Liverpooli tani në finale pret fituesin e ndeshjes Ajax (1:0) Tottenham Hotspur.

Kujtojmë që për Liverpoolin është kjo finalja e dytë radhazi në finalen e Ligës së Kampionëve./Reporteri.net/