Me rezultat 1-0 për Kosovën është mbyllur pjesa e parë e ndeshjes miqësore ndaj Danimarkës, e cila po luhet në stadiumin “Fadil Vokrri” në Prishtinë.

Mbrojtësi Amir Rrahmani ka shënuar në minutën e 41-të për Kosovën pas një goditje të lirë, që u harkua nga mesfushori Besar Halimi, raporton Reporteri.net.

Pas shënimit të golit atmosfera u ndez në stadium nga tifozët vendas që në numër tejet të madh po e përkrahin përfaqësuesen tonë edhe në këtë miqësore. /Reporteri.net/.