Edhe pse klubi i tyre i preferuar e humbi mundësinë ta përfundonte një kampanjë fantastike duke shkuar në finale, tifozët e Ajaxit qëndruan në stadium në fund të ndeshjes dhe e duartrokitën kundërshtarin e tyre, Tottenhamin.

Rrugëtimi i Ajaxit në këtë sezon të Ligës së Kampionëve ka qenë i jashtëzakonshëm. Përkundër që futbolli në Evropë është i zhytur në transferime shumë të shtrenjta dhe paga të larta, klubi holandez e arriti gjysmëfinalen me lojtarë të rinj dhe të lirë, transmeton Gazeta Express.

Skuadra e Erik ten Hag e mposhti edhe Juventusin, edhe Real Madridin, në rrugëtimin e tyre prej katërshes së fundit të Ligës së Kampionëve, mirëpo mbrëmë ata u eliminuan nga Tottenhami në një tjetër natë magjike në Evropë.

Tifozët e Ajaxit u dhanë kundërshtarëve të tyre duartrokitje të gjatë dhe mjaft të zhurmshme, përkundër që sapo e kishin përjetuar një ndër momentet më tronditëse për klubin e tyre të preferuar.

This sport.

Glory, Glory, Tottenham Hotspur.

We can't do this anymore! 😂

There's no words for this.

A night no one will ever forget ❤️ pic.twitter.com/Rt2VYWiEag

— Football on BT Sport (@btsportfootball) May 8, 2019

Ajaxi e mbylli pjesën e parë duke fituar me rezultat 2:0, pasi golat e shënuara nga Matthijs de Ligt dhe Hakim Ziyech ia dha atyre epërsinë me rezultat të përgjithshëm 3:0.

Mirëpo, skuadra e Mauricio Pochettinos i mblodhi forcat për pjesën e dytë të kësaj ndeshjeje dhe arriti ta sigurojë fitoren me rezultat 3:2, përkundër që kjo gjë dukej shumë e pamundur pas lojës në pjesën e parë.

Lucas Moura e shënoi një het-trik të paharrueshëm. Goli i tij i tretë, që ia siguroi londinezëve kualifikimin në finale të këtij sezoni të Ligës së Kampionëve, erdhi në minutën e 96-të të ndeshjes, vetëm disa momente para se të përfundonte ndeshja.

Sapo gjyqtari e sinjalizoi fundin e ndeshjes, lojtarët e Tottenhamit ranë në fushë dhe Pochettino filloi të qante menjëherë pasi e përshëndeti trajnerin e kundërshtarëve, Ten Hag.

Tani, Tottenhami do të takohet me Liverpoolin në finalen angleze të Ligës së Kampionëve, e cila do të zhvillohet më 1 qershor në stadiumin e Atletico Madridit, “Wanda Metropolitano”.