Një grup prej gjashtë personave, tifozë të Chelseat, sulmuan në baza racore yllin e Liverpoolit, Mohamed Salah, duke e quajtur ”një bombardues”, para fillimit të ndeshjes me Slavia Pragën.

Futbollisti egjiptian njihet si predikues i madh i islamit, por ofendimet që kanë ardhur nga një grup i tifozëve ‘blu’ ka irrituar jashtëmase lojtarin në fjalë.

Pas këtij incidenti reagoi menjëherë klubi i Chelseat dhe i Liverpoolit, që kanë ndërmarrë hapat e nevojshëm për zgjidhjen e çështjes, shkruan Periskopi.

Pa reaguar nuk kanë mbetur as tifozët e Liverpoolit, të cilët i kanë kushtuar një këngë Salahut, si kundërpërgjigje ndaj ofendimeve që mori nga tifozët e Chelseat.

Liverpool fans have planned on singing this Mo Salah song this weekend in response to the recent Islamophobic chants about him.

This is class!? pic.twitter.com/ZYFZ9A36xC

— Football Vines (@FootballVines) April 13, 2019

“Nëse ai është i mirë për ty, është i mirë edhe për mua. Nëse i jep edhe disa gola, do të bëhem edhe unë myslimam. Nëse ai është i mirë për ty, është i mirë edhe për mua. Nëse ai rri në xhami, aty dua të jem dhe unë”, dëgjohej tek këndonin ‘Të Kuqtë’.

Ndryshe, Liverpooli nesër pret skuadrën e Chelseat në ‘Anfield’, ndeshje kjo mjaft deçizive për titullin kampion.