Austria me autogolin e Malen ka mbyllur pjesën e parë në epërsi ndaj Holandës, teksa francezët dominuan takimin me Poloninë, por nuk arritën deri te goli.

Po zhvillohej minuta e gjashtë kur sulmuesi “tulipan” realizoi autogolin për epërsinë e austriakëve.

Ky është autogoli i shtatë i realizuar gjatë këtij Evropiani.

Ndërkaq, Franca e prirë nga Kylian Mbappe kishte shumë raste të mira, por bllokohej nga mbrojtja e Polonisë që është eliminuar nga Evropiani.

Me këtë rezultat, Austria merr pozitën e parë me gjashtë pikë, një më shumë se Franca në pozitën e dytë.

Holanda është e treta me tre pikë.