Vëllaznimi e emëron zëvendësuesin e Ismet Munishit

Disa orë pas largimit të Ismet Munishit nga pozita e trajnerit të Vëllaznimit, klubi gjakovar e ka emëruar zëvendësuesin e tij, Blerim Mulën.


Në njoftimin e lëshuar nga faqja zyrtare e Vëllaznimit në Facebook ka bërë të ditur se Blerim Mula do ta mbajë rolin e trajnerit deri në fund të këtij sezoni dhe do ta ketë stafin e njëjtë me Ismet Munishin.

Munishi i ndau rrugët me klubin e Vëllaznimit të mërkurën më mbrëmje, në një kohë vendimtare të sezonit për synimet e klubit, pas humbjes turpëruese në shtëpi 4:0 nga Trepça ’89.