Përfaqësuesit e Kosovës në boks në Turneun Ndërkombëtar “Strandja” që po mbahet në Sofje të Bullgarisë kanë siguruar tashmë tri medalje.
Pas boksieres Donjeta Sadiku, e cila ka kaluar në gjysmëfinale të garës, medalje kanë siguruar tashmë edhe dy boksierë.
Të enjten, në çerekfinale të garës ishin dy boksierë nga Kosova, ku i pari në orar ishte Bashkim Bajoku, i cili kishte për kundërshtar boksierin Sabyrkhan Makhmud nga Kazakistani, i cili nuk mundi të largojë peshën dhe Bajoku fitoi duelin pa luftë dhe siguroi medaljen e bronztë duke u kualifikuar për gjysmëfinale.
Po ashtu në luftë për medalje në kategorinë deri në 71kg, Loris Idrizi për kundërshtar kishte boksierin bullgar, Mitev Kristiyan, të cilin e mundi me plot meritë dhe siguroi medaljen e tretë të bronztë për Kosovën.
Ndryshe, këto janë medaljet e para të Kosovës pas më shumë se 40 viteve nga turneu ndërkombëtar “Strandja”.
Sot (e premte) luhen gjysmëfinalet për vajza, ndërsa nesër (e shtunë) janë paraparë gjysmëfinalet për meshkuj.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.