Sekretari i përgjithshëm i NATO-s, Mark Rutte, tha se shumica e aleatëve të SHBA-së mbështesin kërkesën e Presidentit Trump që ata të investojnë 5 përqind të produktit të brendshëm bruto në mbrojtje dhe ishin të gatshëm të rrisin edhe më shumë shpenzimet për sigurinë.

“Ka mbështetje të gjerë”, u tha Rutte gazetarëve pasi kryesoi një takim të ministrave të mbrojtjes të NATO-s në Bruksel të enjten. “Jemi shumë afër”, tha ai, dhe shtoi se ka “besim të plotë se do të arrijmë atje” deri në samitin e ardhshëm të NATO-s pas tre javësh.

Aleatët evropianë dhe Kanadaja filluan të rrisin investimet në forcat e tyre të armatosura që kur Rusia nisi pushtimin e saj në shkallë të plotë të Ukrainës në vitin 2022./euronews/