Deputeti i Partisë Demokratike të Kosovës, Abelard Tahiri tha para vazhdimit të seancës konstituive se kanë dhënë opesionet për votimin e emrave të tjerë për kryeparlamentar/e, por që kryetari i Lëvizjes Vetëvendosje, Albin Kurti “ka vendosur ta bllokojë këtë situatë” në Kuvend.
I pyetur për zgjedhjet e reja parlamentare, ai tha se “s’ka dyshim që humbësi më i madh ka me qenë Lëvizja Vetëvendosje”.
Tahiri tha se ata”tashmë këta nuk kanë partnerë”, dhe se LVV-ja “është partia që e ka rënien më të madhe”, sipas sondazheve të fundit.
“Në anën tjetër, nuk janë njerëz të cilët bashkëpunojnë në të mirën e qytetarëve, të interesave të tyre”, tha ai.
Deputetja e LDK-së, Hykmete Bajrami, ka kritikuar Lëvizjen Vetëvendosje për bllokimin institucional që po ndodh në vend, duke e cilësuar këtë situatë si një kolaps të plotë për të cilin, sipas saj, është përgjegjëse qeveria aktuale.
Ajo tha se VV-ja është ngujuar pas një emri për të cilin s’i kanë votat.
“Nuk e di se sa do të zgjasë një situatë e tillë… Mua më vjen keq, mirëpo të gjithë e dimë përgjegjësin. Përgjegjësi i krejt kësaj situate është Lëvizja Vetëvendosje që ka 48 deputetë në Kuvend dhe janë ngujuar pas një emri për të cilin nuk i kanë votat,” tha Bajrami në një deklaratë për mediat.
Bajrami deklaroi se LDK-ja ka qenë e vetmja parti që ka dalë me një iniciativë për të bashkuar spektrin politik me qëllim që të tejkalohet bllokada aktuale, referuar qeverisë së unitetit, për të cilën ajo tha s’po përkrahet.
Deputetja e LDK-së tha se do të vijë një pikë kur duhet ulur të gjithë, qoftë edhe për të shkuar në zgjedhje.
“Jemi partia e vetme që kemi ardhë me iniciativë që të bashkohemi të gjithë dhe të kalojmë prej kësaj gjendjeje të kolapsit, mirëpo një ide e tillë ende nuk po përkrahet. Edhe pse ne besojmë që kjo mund të shtyhet në afate të caktuara, por prapë se prapë do të vijmë te një pikë kur prapë do të duhet të ulemi të gjithë, qoftë edhe për të shkuar në zgjedhje” përfundoi deputetja e LDK-së.
Sot dështoi për herë të 36 seanca për konstituimin e Kuvendit të Kosovës.
Derisa në sallë ishin të pranishëm 99 deputetë, vetëm 53 prej tyre votuan për.
Kundër vetëm një, dhe abstenim s’kishte.
Partitë tjera, si PDK, LDK, AAK dhe Lista Serbe s’kanë propozuar fare anëtarë për Komisionin për votim të fshehtë.
Seanca e radhës do të jetë pas 48 orësh, të mërkurën në ora 11:00.
/Reporteri.net/
Kryetari i Aleancës për Ardhmërinë e Kosovës (AAK), Ramush Haradinaj, ka reaguar lidhur me ngërçin institucional të krijuar mbi dy muaj duke kërkuar reflektim dhe veprim të menjëhershëm për tejkalimin e situatës, shkruan Reporteri.net.
Sipas tij, vendi nuk mund të mbahet peng për shkak të dështimeve të njëpasnjëshme për kandidaturën e Albulena Haxhiut në Kuvend.
“Është e drejtë me kandidu, por nëse se merr votën, Gjykata duhet të reflektojë. Kandidatja në fjalë është nxjerrë disa herë në votim dhe ka dështu. Kosova po ndëshkohet” deklaroi Haradinaj.
Ai theksoi se nuk është normale që kjo situatë të trajtohet si e zakonshme dhe u bëri thirrje partive opozitare që të ndërmarrin veprime më konkrete për të dalë nga kriza.
“Duhet të shqyrtojmë çfarëdo mundësie që të dalim nga kjo gjendje. Nuk është mirë me u sjell sikur s’po ndodh kurgjo. Opozita duhet me qenë proaktive, me ballafaqu mashtruesin dhe ekipin e tij, nuk lejohet me u mbajt peng vendi në këtë mënyrë,” u shpreh lideri i AAK-së.
/Reporteri.net/
Ka dështuar sërish senaca për konstituimin e Kuvendit të Kosovës për herë të 36. Edhe kësaj radhe Komisioni për Votimin e fshehtë nuk kaloi, shkruan Gazeta Online Reporteri.net.
Derisa në sallë ishin të pranishëm 99 deputetë, vetëm 53 prej tyre votuan për.
Kundër vetëm një, dhe abstenim s’kishte.
Partitë tjera, si PDK, LDK, AAK dhe Lista Serbe s’kanë propozuar fare anëtarë për Komisionin për votim të fshehtë.
Seanca e radhës do të jetë pas 48 orësh, të mërkurën në ora 11:00.
/Reporteri.net/
Deputeti i AAK-së, Bekë Berisha, ka shprehur shqetësimin e tij për gjendjen aktuale politike në vend, duke kritikuar qasjen e liderëve ndaj udhëheqjes dhe mungesën e bashkëpunimit mes tyre.
“Liderët politikë janë mësuar me i kap përkrahu e me iu kallxu çka me bë. Nuk ka iniciativë, nuk ka zotësi, nuk po shkojmë kah mirëkuptimi, por kah përçarja,” u shpreh Berisha.
Ai tha se situata e tanishme nuk është e qëndrueshme dhe kërkoi reflektim për të gjetur një rrugëdalje.
“Këtyre rasteve u vjen fundi, duhet me u ndal dhe me e këqyrë qysh me pasë rrugëdalje sepse i ka humbur kuptimi,” deklaroi deputeti i AAK-së.
Deputetët do të tentojnë për herë të 36-të, sot në orën 11:00 të konstituojnë Kuvendin e Kosovës.
Të shtunën vazhdoi seanca konstituive e Legjislaturës së Nëntë të Kuvendit të Republikës së Kosovës, nën drejtimin e deputetit Avni Dehari.
Kryesuesi Avni Dehari përsëriti kërkesën për subjektet politike që nuk i kanë propozuar deputetët për anëtarë të komisionit zgjedhor për zgjedhjen e kryetarit të Kuvendit, me votim të fshehtë, që ta bëjnë këtë, por serish nuk pati propozime.
Më pas përbërja e komisionit, me anëtarët e propozuar në vazhdimet e kaluara të seancës, u hodh në votim.
Kryesuesi i seancës konstituive konstatoi se 51 deputetë kanë votuar për, një ishte kundër, ndërsa abstenim nuk kishte asnjë. Për rrjedhojë, Kuvendi do të mblidhet serish brenda 48 orësh, përkatësisht më 23 qershor, në orën 11:00.
Ndërkohë çdo përfundim të vazhdimit të seancës përfaqësuesit e partive politike po hedhin akuza ndaj njëra-tjetrës për bllokim institucional.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
