Kuvendi i Kosovës do të mblidhet sërish sonte në orën 22:00 për tentimin e 54-t për konstituim. Kjo do të jetë edhe përpjekja e fundit para përfundimit të afatit kushtetues.

Deputetja e PDK-së, Vlora Çitaku, para seancës së 53-të konstituive të Kuvendit, ka deklaruar se institucionet e Kosovës janë peng i kokëfortësisë së kryeministrit në detyrë, Albin Kurti. Ajo tha se PDK ka ofruar mjaft kompromise.

“Institucionet e Kosovës janë peng i kokëfortësisë së Albin Kurtit. Ne kemi ofruar mjaft kompromise”, ka thënë ajo.