Një tërmet me fuqi 4,5 ballë sipas shkallës Rihter u regjistrua sot jo larg nga ishulli Halki, në Greqinë lindore.

Tërmeti u regjistrua 33 kilometra në juglindje të ishullit, 429 kilometra nga Athina.

Siç raportoi ANA, nuk ka raporte për dëme apo të lënduar.

Ndërkaq, një tjetër lëkundje e tokës është regjistruar këtë të shtunë edhe në Shqipëri.

Hapësira e lëkundjeve vijon të mbetet zona mes Durrësit dhe Tiranës.

Këtë herë tërmeti është shënuar në orën 14:31 me epiqendër në Xhafzotaj e në thellësi 10 kilometra.

Tërmeti ka qenë 3.2 ballë sipas shkallës Rihter.