Altin Krasniqi, djali i Jakup Krasniqit, ka reaguar pas protestës së sotme në Hagë, duke theksuar se populli i Kosovës ka folur në emër të vet dhe kërkon vetëm drejtësi.

Ai shtoi se qytetarët e Kosovës kanë qëndruar dhe do të vazhdojnë të qëndrojnë përkrah UÇK-së, duke theksuar se mbështetja për ish-luftëtarët e UÇK-së është e palëkundur.

Një numër i madh protestuesish u mblodhën sot në qendër të Hagës për të kërkuar drejtësi për ish-udhëheqësit e Ushtrisë Çlirimtare të Kosovës, të cilët po mbahen në paraburgim, para një procesi të stërzgjatur dhe të shumëkritikuar gjyqësor. /Reporteri.net/.