Deputeti i LDK’së, njëherit nënkryetar i kësaj partie, Lutfi Haziri, tha se me votimin e sotëm u pa që kreu i VV’së, Albin Kurti, është larg sigurimit të votave të nevojshme për ta formuar Qeverinë.

I pyetur nëse ende vlen deklarata e tij se nëse i siguron 60 vota, ai do të jetë vota e 61’të, Haziri tha se këtë mund ta dëshmonte qysh sot por se nuk arritën ta bindin, shkruan Reporteri.net.

“Edhe sot e ka pas mundësinë me ia dëshmu, nuk ma dëshmuan dhe nuk më kanë bind. Së paku është dasht me bind deputetin, jo vetëm mu. U pa që është larg 60’shit”, tha Haziri.

Pro Qeverisë së re ishin 56 deputetë./Reporteri.net