Kryeministri izraelit Benjamin Netanyahu është shprehur se Izraeli do të shpenzojë 350 miliardë shekelë për zhvillimin e një industrie të pavarur armësh për të zvogëluar varësinë nga vendet e tjera.

“Ne do të vazhdojmë të sigurojmë furnizime thelbësore ndërsa armatosemi në mënyrë të pavarur”, tha Netanyahu.

“Nuk e di nëse një vend mund të jetë plotësisht i pavarur, por ne do të përpiqemi … të sigurohemi që armët tona të prodhohen sa më shumë të jetë e mundur në Izrael. Qëllimi ynë është të ndërtojmë një industri të pavarur armësh për shtetin e Izraelit dhe të zvogëlojmë varësinë nga çdo palë, përfshirë aleatët”, shton ai.

Reklamë

Ndërkohë ai akuzoi Hamasin të mërkurën për shkelje të marrëveshjes së armëpushimit në Gaza, pasi një oficer ushtarak u plagos nga një pajisje shpërthyese në Rafah dhe Izraeli u zotua për hakmarrje.

Zyra e tij tha në një deklaratë se Hamasi duhet ta zbatojë plotësisht marrëveshjen e tetorit, duke vënë në dukje se ajo parashikonte largimin e grupit militant nga pushteti në Gaza, si dhe demilitarizimin dhe deradikalizimin e territorit.