Udhëheqësi i Koresë së Veriut Kim Jong-un është ngjitur në malin më të lartë të vendit me kalë.

Një seri fotografish të publikuara nga agjencia KCNA tregojnë liderin e Koresë së Veriut, duke kalëruar në malin Paektu, të mbushur me dëborë.

Kjo aventurë e Kim Jong-un nuk është e para dhe sipas analistëve gjeste të tilla kanë qenë të njohura dhe i paraprijnë njoftimeve të mëdha.

Mali mban një vend të veçantë në identitetin e vendit dhe njihet si vendlindja e babait të Kim Jong-un.

“Marshimi i tij me kalë në Paektu është një ngjarje e shkëlqyeshme me rëndësi të madhe në historinë e revolucionit Koreane,” thuhet në një raport të KCNA të lëshuar të Mërkurën.