Kompania holandeze e ndërtimit dhe mobilimit Fiction Factory, e cila operon qysh prej vitit 1989, ka vënë në jetë një projekt të ri.

Quhet Wikkelhouse dhe është një njësi banimi e realizuar me karton. Përdor një dizajn modular inovativ, ekologjik dhe tërësisht të riciklueshëm.

Bëhet fjalë për segmente standarde të lidhura lehtësisht mes tyre dhe të pajisura me shërbime higjienike, kuzhinë dhe dritare.

Në sajë të peshës së reduktuar dhe shpejtësisë së realizimit, mjafton një ditë për ndërtimin e saj.

Sipas prodhuesve, Wikkelhouse, është në gjendje që të rezistojë deri në një shekull. Çmimi i saj shkon 25 mijë euro, për një shtëpi të përbërë nga tre module.