Komisioni Qendror i Zgjedhjeve ka publikuar përditësimin më të fundit të rezultateve në orën 09:09.

Deri më tani janë procesuar 99,45% e vendvotimeve, apo 901,724 vota të numëruara. Gjithsej edhe 14 kuti kanë mbetur pa u procesuar nga KQZ, shkruan Reporteri.net.

Sipas këtij përditësimi, Vetëvendosje renditet bindhsëm e para me 49.28%.

Lëvizja Vetëvendosje kryeson bindshëm me 430,459 vota, që përbëjnë 49.28% të totalit të votave të numëruara.

Partia Demokratike e Kosovës (PDK) renditet e dyta me 183,389 vota ose 20.99%.

Lidhja Demokratike e Kosovës (LDK) mban vendin e tretë me 118,601 vota, që përfaqësojnë 13.58%.

Aleanca për Ardhmërinë e Kosovës (AAK) ka siguruar 49,596 vota apo 5.68%.

Lista Serbe (Srpska Lista) ka marrë 41,823 vota, që përkthehen në 4.79%.

NISMA Socialdemokrate ka grumbulluar 14,975 vota, ose 1.71%.