Shefja e Komisionit Evropian, Ursula Von der Leyen ka folur rreth situatës në Grenlandë, duke thënë se Evropa është “plotësisht e përkushtuar” sa i përket sigurisë së Arktikut.
“Ne i ndajmë objektivat e Shteteve të Bashkuara në këtë drejtim,” thotë ajo.
Ajo thotë se siguria e Arktikut mund të arrihet vetëm së bashku, duke shtuar se për këtë arsye tarifat shtesë të propozuara nga Trump janë “një gabim”.
Reklamë
Duke iu referuar marrëveshjes tregtare SHBA-BE të rënë dakord korrikun e kaluar, ajo thotë: “Një marrëveshje është një marrëveshje. Kur miqtë shtrëngojnë duart, kjo duhet të ketë kuptim.”
Megjithatë, ajo thotë se përgjigjja e Evropës do të jetë “e palëkundur, e bashkuar dhe proporcionale”. /Reporteri.net/
