Që nga pasditja e së hënës, më shumë se 600 mijë shtëpi dhe biznese në verilindje të SHBA-së janë pa energji elektrike për shkak të stuhisë së fortë të borës, raporton BBC, përcjell Reporteri.net.

Shteti më i prekur është Massachusetts, me gati 300 mijë shtëpi e biznese pa energji, përfshirë 85% të konsumatorëve në Barnstable County, i cili përfshin Cape Cod dhe zonat përreth, sipas poweroutage.us.

Edhe New Jersey është goditur rëndë, me 125 mijë shtëpi e biznese pa energji. Shtete të tjera të prekura përfshijnë Delaware dhe Rhode Island.

Më shumë se 5 mijë e 600 fluturime drejt dhe nga SHBA-ja janë anuluar./Reporteri.net