Nënkryetari i Lidhjes Demokratike të Kosovës, Lutfi Haziri,  ka thënë se shprehja e tij e famshme “kryeministri kalon kah zyrat e LDK-së”, vlen edhe për çështjen e zgjedhjes së presidentit të ri të vendit.

Sipas tij, asnjë president nuk është zgjedhur pa pjesëmarrjen ose pa rolin vendimtar të LDK-së në nisjen e procesit.

“Unë besoj shumë që po, s’ka ndodhë që me u zgjedhë ndonjë president, pa pjesëmarrjen ose pa e shkaktuar LDK-ja procesin. Edhe vitin e kaluar u pa sa është jetike. Mungesa e pragmatizmit të LDK-së e coj në zgjedhje me 28 dhjetor”, ka thënë Haziri në T7.

Ai është shprehur se do të dëshironte arritjen e një konsensusi më të gjerë politik për zgjedhjen e presidentit, duke përmendur mundësinë e bashkëpunimit ndërmjet partive kryesore parlamentare.

“Do të doja shumë që të mbërrihet një konsensus më i gjerë për president. Do të arrihet me bashkëpunim mes partive politike, qoftë LVV-LDK, qoftë LVV-PDK”, ka shtuar Haziri.