Pas vdekjes së disa komandantëve të lartë iranianë gjatë sulmeve të SHBA-së dhe Izraelit, pyetja është se kush është figura kryesore ushtarake në Iran tani, shkruan CNN.

Sipas raporteve të mediave iraniane, duket se bëhet fjalë për Ali Abdollahi, aktualisht komandant i Shtabit Qendror Khatam al-Anbiya, i cili koordinon mbrojtjen kombëtare midis ushtrisë dhe Gardës Revolucionare Islamike (IRGC), që së fundmi ka emëruar një komandant të ri.

Abdollahi ishte pjesë e grupit që u mblodh sot në Teheran për të vajtuar vdekjen e Ali Khamenei dhe tha se Irani do të “reagojë ndaj kërcënimeve të armikut në fushën e betejës”, duke shtuar se “gatishmëria e forcave të armatosura është më e madhe se kurrë më parë.”

Ai ishte i sanksionuar nga SHBA-ja në janar 2020, së bashku me komandantë të tjerë ushtarakë, si përgjigje ndaj sulmeve iraniane me raketa ndaj bazave ushtarake amerikane në Irak.

/Reporteri.net/