Presidenti amerikan, Donald Trump, “nuk përjashton opsionet” në luftën me Iranin, përfshirë vendosjen e trupave amerikane në këtë vend, tha të martën sekretarja e shtypit e Shtëpisë së Bardhë, Karoline Leavitt, raporton CNN, përcjell Reporteri.net.

Në një konferencë për media, Leavitt tha se Trump ka folur disa herë për këtë.

“Sa i përket trupave në terren, presidenti ka folur për këtë disa herë. Mençurisht, ai nuk përjashton opsionet si komandant i përgjithshëm. Prandaj, përsëri, do të hezitoj të konfirmoj ndonjë gjë që një demokrat në Kongres thotë tani për mendimin e presidentit,” u shpreh Leavitt për gazetarët.

Ajo dukej se po i referohej komenteve që senatorët demokratë, përfshirë Richard Blumenthal, i bënë më herët gjatë ditës.

“Duket se jemi në një rrugë drejt vendosjes së trupave amerikane në terren në Iran për të arritur ndonjë nga objektivat e mundshme këtu,” tha Blumenthal pas një briefingu për Iranin./Reporteri.net