Irani tha të mërkurën herët se ka nisur “operacionin më intensiv dhe më të rëndë” që nga fillimi i luftës. Mediat shtetërore raportuan se raketa janë kapur në ajër në disa shtete të Gjirit dhe në Izrael. Ndërkohë, një dron i dyshuar iranian goditi një objekt diplomatik amerikan në Irak të martën, sipas CNN.

Izraeli po ashtu tha se ka nisur një “valë shtesë” sulmesh ndaj objektivave në Teheran. Video të verifikuara tregojnë shpërthime pranë aeroportit Mehrabad International Airport.

Izraeli tha se identifikoi raketa të lëshuara nga Irani, por më vonë njoftoi se qytetarët mund të dalin nga strehimoret.

Arabia Saudite njoftoi se ka rrëzuar dy dronë që po shkonin drejt një fushe nafte.

Sirenat e alarmit u dëgjuan edhe në Bahrain.

Ndërkohë, ushtria amerikane tha se ka shkatërruar 16 anije iraniane që po vendosnin mina detare pranë Ngushticës së Hormuzit.

Siç raporton BBC, Irani pretendon se ka goditur disa baza amerikane në Katar, Kuvajt dhe Irak me një sulm të madh me raketa. SHBA ende nuk ka reaguar. /Reporteri.net/