Presidenti amerikan, Donald Trump, ka deklaruar sot se një ish-president i SHBA-së i kishte thënë së fundmi atij se do të donte që të kishte marrë masa kundër Iranit kur ishte në Shtëpinë e Bardhë, por nuk deshi të tregonte se cili ish-president, raporton CNN, përcjell Reporteri.net.

“Kam folur me një president të caktuar, të cilin e pëlqej, në të vërtetë një ish-president. Ai tha: ‘Do të doja ta bëja. Do të doja ta bëja.’ Por ata nuk e bënë. Unë po e bëj tani,” tha Trump për gazetarët të hënën në Shtëpinë e Bardhë.

Vetëm katër ish-presidentë janë gjallë: Bill Clinton, George W. Bush, Barack Obama dhe Joe Biden.

“Nuk dua ta turpëroj. Do të ishte shumë keq për karrierën e tij, edhe pse ai nuk ka karrierë,” tha Trump.

Trump ka tentuar të justifikojë veprimet ushtarake të administratës së tij në Iran, pjesërisht duke argumentuar se ky vend ka shkaktuar probleme për SHBA për gati gjysmë shekulli./Reporteri.net