Hajrizi optimist për ndeshjen me Sllovakinë: Mund ta shkruajmë historinë

Kombëtarja e Kosovës i ka vazhduar sot përgatitjet për ndeshjen e së enjtes ndaj Sllovakisë.

Njëri prej futbollistëve që foli sot ishte Kreshnik Hajrizi, i cili u shpreh optimist për duelin me sllovakët dhe për kualifikimin historik të Kosovës në Botëror, shkruan “Gazeta Express”.

“Stërvitjet po shkojnë shumë mirë, e dimë se çfarë rëndësie ka kjo lojë, e dimë se mund ta shkruajmë historinë. Jemi përgatitur shumë mirë, po e shohim se ekipi ka besim dhe shpresojmë të shkojmë në Sllovaki me një besim të mirë, me një grup të mirë dhe me fitore ishalla.”