Një tjetër zyrtar i lartë i sigurisë në Iran është vrarë, sipas si Trupave të Gardës Revolucionare Islamike të Iranit (IRGC) ashtu edhe ministrit izraelit të Mbrojtjes, Israel Katz.

Gjeneralmajor Majid Khademi, shefi i inteligjencës për IRGC-në, u vra në një atentat herët të hënën, sipas një deklarate nga Garda, shkruan CNN.

IRGC e përshkroi atë si një “komandant shumë të respektuar” që kishte kushtuar “gati gjysmë shekulli shërbimi besnik dhe të guximshëm ndaj Revolucionit.”

Izraeli ka shënjestruar dhjetëra zyrtarë të lartë në IRGC-së, ushtrinë iraniane dhe grupin paraushtarak Basij që nga fillimi i konfliktit në fund të shkurtit.

Katz tha se Khademi ishte një nga ata “drejtpërdrejt përgjegjës” për vdekjet e civilëve izraelitë “dhe një nga tre figurat më të larta” në IRGC.

“Udhëheqësit e Iranit po jetojnë me një ndjenjë përndjekjeje. Ne do të vazhdojmë t’i ndjekim një nga një”, tha Katz.

Ai shtoi se sulmet izraelite kishin dëmtuar rëndë infrastrukturën e çelikut të Iranit dhe industrinë petrokimike – “dhe sot, dhe çdo ditë, do të ketë më shumë që do të vijnë”.