Ndërsa orët e fundit po kalojnë, ka pasur pak shenja që Irani është i gatshëm të pranojë ultimatumin e Trumpit.

Trump tha se duhet të ketë një marrëveshje që është “e pranueshme” për të para afatit të së martës, dhe se një pjesë e marrëveshjes do të përfshinte “qarkullim të lirë të naftës”

Pasi të kalojë afati, Trump shtoi se Irani do të kthehej në “Epokën e Gurit”. “Nuk do të kenë ura,” tha ai. “Nuk do të kenë centrale elektrike”

“I gjithë vendi mund të shkatërrohet brenda një nate – dhe ajo natë mund të jetë nesër natën,” tha ai.

Ai shprehu optimizëm se liderë “të arsyeshëm” në Iran po negocionin “me mirëbesim”, por rezultati mbetej i pasigurt.

Kur u pyet për ndikimin e shënjestrimit të infrastrukturës civile nga SHBA në Iran, Trump tha se iranianët do të ishin “të gatshëm të vuajnë për të pasur lirinë e tyre”

Ai tha se ishte shumë i zhgënjyer me vendet e NATO-s, veçanërisht me Mbretërinë e Bashkuar, pasi aleatët e SHBA refuzuan kërkesën e tij për t’iu bashkuar misionit në Iran.

Duke folur për misionin për të shpëtuar dy pilotë luftarakë amerikanë, pasi avioni i tyre u rrëzua në Iran të premten e kaluar, Trump tha se jo të gjithë në ushtri ishin të bindur për përpjekjet në shkallë të gjerë – por ai “mendonte se ia vlente”./Reporteri.net/